誰在吱吱歪歪 GIGIWHYWHY

＜好女人系列之煮飯又有咩好怕喎！ ＞
好女人今日訓醒同朋友飲左個靚奶茶之後就諗住去屋企附近個商場shop下ping，滑雪個商場重新裝修後開左間DJ力扌牚既懶係日本服飾店，好女人以為自己點都會買返一兩三幾件返屋企，點知好女人實在太精明了，一看之下，十件衫有七件都會起毛粒，家居精品唔平仲要淘寶味極重，最後一件都無買實在太叻豬！

咁既然一場黎到不如就去埋百貨超市睇下咩"龍撩"，突然醒起今晚食自己，係「周圍d人都在購物」既紛圍下，心血來潮煮返餐一於就咁話！不過，由於好女人岩岩食飽，對於所有肉食display湯包試食一律唔開胃，行左兩轉，只係買到支清酒。。。好女人雖然十年無落廚，但對煮食仍然有份堅持，行多兩轉，終於買到了吃的！

煮食天份極高的好女人預備晚餐的過程順利非常！只是
拍青瓜時把刀一野拍左落隻肉手度
soba過冷河時錯誤地用了生水
煎餃子時對熟的定義有點模糊
雞蛋落鍋時把蛋殼撞裂了
唔記得熄火

人無完美，但好女人聰明搭夠，即使一路煮一路打克嚏打到出汗都無損食物質素。好女人無師自通天才溫泉蛋一take成功更加係叻到無話可說！可惜好女人個鼻塞塞地，只嚐到食物原味的一半，然而煮食的樂趣卻是整晚沉醉。

煮飯　又有咩好怕喎！